2024 ರ ಟಿ-20 ವಿಶ್ವಕಪ್ ಗೆಲುವಿನ ನಂತರ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮೂರು ಟ್ರೋಫಿಗಳನ್ನು ಹಚ್ಚೆ ಹಾಕಿಸಿಕೊಂಡಿರುವ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಅವರು ತಮ್ಮ ಸಾಧನೆಗಳನ್ನು ತಮ್ಮ ತೋಳಿನ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದಾರೆ ಮತ್ತು ಅವುಗಳನ್ನು ಹೆಮ್ಮೆಯಿಂದ ತೋರಿಸುತ್ತಿದ್ದಾರೆ ಎಂದು ಪ್ರತಿಪಾದಿಸಲಾಗುತ್ತಿದೆ.
‘ನಾವು ಈಗಷ್ಟೇ ಟಿ 20 ವಿಶ್ವಕಪ್ ಗೆಲುವನ್ನು ಸಾಧಿಸಿದ್ದೇವೆ ಮತ್ತು ನಂತರ ವಿರಾಟ್ ಕೊಹ್ಲಿ ಅವರ ತೋಳಿನ ಮೇಲೆ 2024 ರ ವಿಶ್ವಕಪ್ ಟ್ರೋಫಿಯ ಹೊಸ ಹಚ್ಚೆ ಹಾಕಿರುವುದನ್ನು ನಾವು ಗಮನಿಸಿದ್ದೇವೆ. ಅವರು ಎಂತಹ ಹೆಮ್ಮೆಯ ಆಟಗಾರ’. ಎಂಬ ಶೀರ್ಷಿಕೆಗಳೋಂದಿಗೆ ವಿರಾಟ್ ಕೋಯ್ಲಿಯವರ ಪೋಟೋವನ್ನು ಹಂಚಿಕೊಳ್ಳಲಾಗುತ್ತಿದೆ.
ಇದೇ ರೀತಿಯ ಪ್ರತಿಪಾಧನೆಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು. (ಆರ್ಕೈವ್ ಲಿಂಕ್)
ಫ್ಯಾಕ್ಟ್ ಚೆಕ್:
ಸತ್ಯವನ್ನು ಪರಿಶೀಲಿಸಿದಾಗ ಇದು ಸುಳ್ಳು ಎಂದು ಕಂಡುಬಂದಿದೆ. ವಿರಾಟ್ ಕೊಹ್ಲಿ ತನ್ನ ತೋಳಿನ ಮೇಲೆ ಐಸಿಸಿ ಮತ್ತು ಟಿ 20 ವಿಶ್ವಕಪ್ ಟ್ರೋಫಿ ಹಚ್ಚೆ ಹಾಕಿಸಿಕೊಂಡಿರುವ ಬಗ್ಗೆ ಸಂಬಂಧಿತ ವರದಿಗಳನ್ನು ಕಂಡುಹಿಡಿಯಲು ಕೀವರ್ಡ್ ಹುಡುಕಾಟ ನಡೆಸಿದೆವು ಆದರೂ ಸಹ ಅಂತಹ ಯಾವುದೇ ವರದಿಗಳು ಕಂಡುಬಂದಿಲ್ಲ. ಕೋಯ್ಲಿಯವರು ಈ ರೀತಿಯ ಹಚ್ಚೆ ಹಾಕಿಸಿಕೊಂಡಿದ್ದರೆ ಸಾಮಾಜಿತ ಮಾಧ್ಯಮಗಳ ತಮ್ಮ ಅಧಿಕೃತ ಖಾತೆಯಲ್ಲಿ ಹಂಚಿಕೊಂಡಿರುತ್ತಿದ್ದರೂ, ಅಥವಾ ಮಾಧ್ಯಮಗಳೇ ಸುದ್ದಿ ಮಾಡಿರುತ್ತಿದ್ದವು. ಆದರೆ ಅಂತಹ ಯಾವ ವರದಿಗಳು ಸಧ್ಯ ಲಭ್ಯವಾಗಿಲ್ಲ.
ನಂತರ, ಜುಲೈ 8 ರ ಕ್ರಿಕೆಟ್ ವೆಬ್ಸೈಟ್ ಕ್ರಿಕ್‌ಟ್ರಾಕರ್‌ನ ಎಕ್ಸ್ ಹ್ಯಾಂಡಲ್‌ನಲ್ಲಿ ವಿರಾಟ್ ಕೊಹ್ಲಿಯ ಅದೇ ಫೋಟೋವನ್ನು ನಾವು ಪತ್ತೆಹಚ್ಚಿದ್ದೇವೆ. ಟ್ವೀಟ್‌ನ ಶೀರ್ಷಿಕೆಯು ಈ ಚಿತ್ರವು ಕಾಲ್ಪನಿಕವಾಗಿದೆ ಎಂದು ಸೂಚಿಸುತ್ತದೆ, “ವಿರಾಟ್ ಕೊಹ್ಲಿ ಈ ಎಲ್ಲಾ ಐಸಿಸಿ ಟ್ರೋಫಿಗಳನ್ನು ಗೆದ್ದು ಹೆಮ್ಮೆಯಿಂದ ಪ್ರದರ್ಶಿಸಿದರೆ ಏನು?” ಎಂದು ಕೇಳುತ್ತದೆ. “ನಿಮ್ಮ ನೆಚ್ಚಿನ ಕ್ರಿಕೆಟಿಗ ಎಷ್ಟು ಐಸಿಸಿ ಟ್ರೋಫಿಗಳನ್ನು ಗೆದ್ದಿದ್ದಾರೆ?” ಎಂದು ಶೀರ್ಷಿಕೆ ಕೇಳುತ್ತದೆ.
ಕ್ರಿಕ್‌ಟ್ರಾಕರ್ ಅವರ ಥ್ರೆಡ್ಸ್ ಹ್ಯಾಂಡಲ್‌ನಲ್ಲಿ ಇದೇ ರೀತಿಯ ಪೋಸ್ಟ್ ಅನ್ನು ನಾವು ಕಂಡುಕೊಂಡಿದ್ದೇವೆ, ಇದರಲ್ಲಿ ಟ್ರೋಫಿಗಳನ್ನು ತಮ್ಮ ತೋಳುಗಳ ಮೇಲೆ ಹಚ್ಚೆ ಹಾಕಿಸಿಕೊಂಡಿರುವ ಇತರ ಕ್ರಿಕೆಟಿಗರ ಅನೇಕ ಫೋಟೋಗಳನ್ನು ಒಳಗೊಂಡಿದೆ.
ನಂತರದ ಹುಡುಕಾಟವು ಜೂನ್ 1 ರ ಗೆಟ್ಟಿ ಇಮೇಜಸ್‌ನಲ್ಲಿ ಅಪ್ಲೋಡ್ ಮಾಡಿದ ಅದೇ ಚಿತ್ರಕ್ಕೆ ನಮ್ಮನ್ನು ಕರೆದೊಯ್ಯಿತು. “ಜೂನ್ 1, 2024 ರಂದು ನ್ಯೂಯಾರ್ಕ್‌ನಲ್ಲಿ ನಡೆಯಲಿರುವ ಐಸಿಸಿ ಪುರುಷರ ಟಿ-20 ಕ್ರಿಕೆಟ್ ವಿಶ್ವಕಪ್, ವೆಸ್ಟ್ ಇಂಡೀಸ್ ಮತ್ತು ಯುಎಸ್ಎ 2024 ಕ್ಕೆ ಮುಂಚಿತವಾಗಿ ಭಾರತದ ವಿರಾಟ್ ಕೊಹ್ಲಿ ಭಾವಚಿತ್ರಕ್ಕೆ ಪೋಸ್ ನೀಡಿದ್ದಾರೆ. (ಚಿತ್ರ: ಅಲೆಕ್ಸ್ ಡೇವಿಡ್ಸನ್-ಐಸಿಸಿ/ಐಸಿಸಿ ಮೂಲಕ ಗೆಟ್ಟಿ ಇಮೇಜಸ್). ಈ ಫೋಟೋದಲ್ಲಿ ಕೊಹ್ಲಿ ತೋಳುಗಳ ಮೇಲೆ ಯಾವುದೇ ಹಚ್ಚೆಗಳಿಲ್ಲ.
ಹೆಚ್ಚಿನ ಸ್ಪಷ್ಟತೆಗಾಗಿ, ಹೋಲಿಕೆ ಚಿತ್ರ ಇಲ್ಲಿದೆ:
ಆದ್ದರಿಂದ, ಕೊಹ್ಲಿ ತೋಳಿನ ಮೇಲೆ ಐಸಿಸಿ ಟ್ರೋಫಿಗಳನ್ನು ಹೊಂದಿರುವ ವೈರಲ್ ಫೋಟೋವನ್ನು ಎಡಿಟ್ ಮಾಡಲಾಗಿದೆ ಎಂಬುದು ಸ್ಪಷ್ಟವಾಗಿದೆ.
ಇದನ್ನು ಓದಿ: ಸೋನಿಯಾ ಗಾಂಧಿಯವರ AI ರಚಿತ ಪೋಟೋವನ್ನು ನಿಜವೆಂದು ಹಂಚಿಕೊಳ್ಳಲಾಗುತ್ತಿದೆ
ವೀಡಿಯೋ ನೋಡಿ: ಹಿಂದೂಗಳ ವ್ಯಾಪಾರ ಬಹಿಷ್ಕರಿಸಿ ಎಂದು ಅಮೆರಿಕದಲ್ಲಿ ಮುಸ್ಲಿಮರು ಪ್ರತಿಭಟನೆ ನಡೆಸಿಲ್ಲ
