ಬ್ರಿಟನ್‌ನ ನೂತನ ಪ್ರಧಾನಿ ಕೈರ್ ಸ್ಟಾರ್ಮರ್ ಗುಲಾಬಿ ಬಣ್ಣದ ಹಿಜಾಬ್ ಧರಿಸಿರುವ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಎಕ್ಸ್ (ಈ ಹಿಂದೆ ಟ್ವಿಟರ್)ನ ಪ್ರೀಮಿಯಂ ಬಳಕೆದಾರ ‘ಸಲ್ವಾನ್ ಮೊಮಿಕಾ’ ಈ ಚಿತ್ರವನ್ನು ಹಂಚಿಕೊಂಡಿದ್ದು, “ಹೊಸ ಬ್ರಿಟಿಷ್ ಪ್ರಧಾನಿ” ಎಂಬ ಶೀರ್ಷಿಕೆಯೊಂದಿಗೆ ಚಿತ್ರವನ್ನು ಹಂಚಿಕೊಂಡಿದ್ದಾರೆ.
ಈ ವರದಿಯನ್ನು ಬರೆಯುವ ಸಮಯದಲ್ಲಿ, ಈ ಪೋಸ್ಟ್ ಅನ್ನು 73 ಸಾವಿರಕ್ಕೂ ಹೆಚ್ಚು ವೀಕ್ಷಣೆಯಾಗಿದೆ. ಇದೇ ರೀತಿಯ ಪೋಸ್ಟ್‌ಗಳನ್ನು ಹಂಚಿಕೊಂಡವರ ಆರ್ಕೈವ್ ಗಳನ್ನು ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ವೀಕ್ಷಿಸಬಹುದು.
ಫ್ಯಾಕ್ಟ್‌ಚೆಕ್: ಕೃತಕ ಬುದ್ಧಿಮತ್ತೆ (ಎಐ) ಸಹಾಯದಿಂದ ಈ ಚಿತ್ರವನ್ನು ರಚಿಸಲಾಗಿದೆ ಮತ್ತು ಇದು ನಿಜವಾದ ಚಿತ್ರವಲ್ಲ.
ವೈರಲ್ ಚಿತ್ರವನ್ನು ಸೂಕ್ಷ್ಮವಾಗಿ ಗಮನಿಸಿದರೆ, ಸ್ಟಾರ್ಮರ್ ಹಿಂದೆ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಗೆ ಆಕಾರ ತಪ್ಪಿದ ಬೆರಳು ಇರುವುದು ಕಂಡುಬಂದಿದೆ, ಇದು ಎಐ-ರಚಿಸಿದ ಚಿತ್ರಗಳಲ್ಲಿ ಸಾಮಾನ್ಯವಾಗಿ ಕಂಡು ಬರುವ ತಪ್ಪು.
ಟೀಮ್ ವೆಬ್ಕ್ಯೂಫ್ ‘ಟ್ರೂಮೀಡಿಯಾ‘ ಮತ್ತು ‘ಎಐ ಅಥವಾ ನಾಟ್‘ ಎಂಬ ಎರಡು ಎಐ ಪತ್ತೆ ಸಾಧನಗಳ ಮೂಲಕ ಚಿತ್ರವನ್ನು ಪರಿಶೀಲಿಸಿದಾಗ, ಎರಡೂ ಉಪಕರಣಗಳು ಎಐ ಉಪಕರಣಗಳನ್ನು ಬಳಸಿಕೊಂಡು ಚಿತ್ರವನ್ನು ರಚಿಸಿರುವ ಹೆಚ್ಚಿನ ಸಂಭವನೀಯತೆಯನ್ನು ಕಂಡುಹಿಡಿದಿದೆ.
(ಮೂಲ: ಎಐ ಅಥವಾ ನಾಟ್ / ಸ್ಕ್ರೀನ್ ಶಾಟ್)ಸ್ಟಾರ್ಮರ್ ನಿಜವಾಗಿಯೂ ಅಂತಹ ಉಡುಪನ್ನು ಧರಿಸಿದ್ದರೆ, ಅವರ ಪ್ರಾಮುಖ್ಯತೆಯನ್ನು ಪರಿಗಣಿಸಿ ಅದನ್ನು ಹಲವಾರು ಸುದ್ದಿ ಮಾಧ್ಯಮಗಳು ವರದಿಮಾಡಿರುತ್ತಿದ್ದವು ಎಂದು ಗಮನಿಸಬೇಕು. ಆದ್ದರಿಂದ ಯುಕೆ ಪ್ರಧಾನಿ ಕೈರ್ ಸ್ಟಾರ್ಮರ್ ಅವರ ಈ ಚಿತ್ರವು ಎಐ-ರಚಿಸಲಾಗಿದೆ ಮತ್ತು ನೈಜವಲ್ಲ.
ಇದನ್ನು ಓದಿ: ಲಾರ್ಡ್‌ ಮೆಕಾಲೆ 1835 ರಲ್ಲಿ ಬ್ರಿಟಿಷ್ ಸಂಸತ್ತಿನಲ್ಲಿ ಭಾರತದ ಶಿಕ್ಷಣದ ಕುರಿತು ಆಡಿದ ಭಾಷಣ ಎಂದು ನಕಲಿ ವರದಿ ಹಂಚಿಕೆ
ವೀಡಿಯೋ ನೋಡಿ: ಶ್ರೀ ರಾಮನ ವಂಶಜರು ಎಂಬದುಕ್ಕೆ ದಾಖಲೆಗಳಿಲ್ಲ, ಸುಪ್ರೀಂ ಮಾನ್ಯ ಮಾಡಿಲ್ಲ
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್‌ಚೆಕ್ ವಾಟ್ಸಾಪ್ ನಂಬರ್‌ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ
